ރެއާލުން އޮލީސޭއަށް ފާރަލަނީ ، ބަޔާންގެ ކަންބޮޑުވުން!

މައިކަލް އޮލީސޭ ވެގެންދާނީ މި ހޫނު މޫސުމުގެ ޓްރާންސްފާ ބާޒާރުގައި އެންމެ ގަދައަށް ދެކެވޭނެ އެއް ވާހަކައަށެވެ. ރިޕޯޓްތައް ބުނާ ގޮތުގައި، ފްރާންސްގެ ފޯވާޑް އޭނާގެ މުސްތަގުބަލާ މެދު މަޝްވަރާކޮށް، ކަންކަން ސާފުކުރުމަށް ޓަކައި ވަރަށް އަވަހަށް ބަޔާން މިއުނިކްގެ އޮފިޝަލުންނާ ބައްދަލުކުރުމަށް ވަނީ ހަމަޖެހިފައެވެ.

,މމައިކަލް އޮލީސޭގެ ސަބަބުން ބަޔާން މިއުނިކް މިހާރު ވަނީ ކަންބޮޑުވާން ފަށާފައެވެ. ބަޔާނަށް އެނގޭ ގޮތުގައި ވޯލްޑް ކަޕަށް ފަހު އޮލީސޭ ބޭނުން ވަނީ އޭނާގެ މުސްތަގުބަލާ މެދު ގޮތެއް ނިންމާށެވެ. ކްލަބުގެ އެތެރޭގެ މަސްދަރުތަކުން ބުނާ ގޮތުގައި، އޭނާ ކްލަބުގައި މަޑުކުރާނެ ކަމުގެ ސާފު އިޝާރާތެއް ނުލިބުމުން ކަންބޮޑުވުންތައް ވަނީ އިތުރުވެފައެވެ. އޮލީސޭއާއި އޭނާގެ އޭޖެންޓުން ބޭނުންވަނީ ފައިނަލް ނިންމުމެއް ނިންމުމުގެ ކުރިން ލިބެން ހުރި ހުރިހާ ފުރުސަތުތަކަކަށް ބަލާށެވެ.

ރެއާލް މެޑްރިޑުން ފުރުސަތަކަށް ބަލަނީ

ބަޔާނަށް މިހާރުވެސް އޮތް އެންމެ ބޮޑު ބިރަކީ ރެއާލް މެޑްރިޑެވެ. ހަމަ އެ މަސްދަރުން ބުނާ ގޮތުގައި، މައިކަލް އޮލީސޭ ދެކޭ ހުވަފެނަކީ ސްޕެއިންއަށް ދިޔުމެވެ. ރެއާލްއިން ދަނީ މި ވޯލްޑްކަޕްގައި ތަފާތު މޮޅު ކުޅުމެއް ދައްކަމުން އަންނަ އޮލީސޭގެ ހާލަތު ވަރަށް ގާތުން ބަލަމުންނެވެ. މި ޝައުގުވެރިކަމަކީ ބަޔާނަށް އޮތް ނުރައްކަލެކެވެ. ހާއްސަކޮށް އޮލީސޭ ކްލަބް ދޫކޮށްލަން ބޭނުންވާކަން ހާމަކޮށްފި ނަމައެވެ.

ރިޕޯޓްތައް ބުނާ ގޮތުގައި އޮލީސޭ ބޭނުން ވަނީ ރެއާލް މެޑްރިޑާ ގުޅޭށެވެ. ބަޔާން މިއުނިކުން އެމީހުންގެ އެންމެ މުހިންމު އެއް އެޓޭކިން ހުނަރުވެރިޔާ ފަސޭހައިން ދޫކޮށްލާކަށް ބޭނުމެއް ނުވެއެވެ. ނަމަވެސް، ބަވޭރިއާގައި ދިގު މުއްދަތަކަށް މަޑުކުރުމާ މެދު ފްރާންސްގެ ކުޅުންތެރިޔާ އަދި ވަކި ގޮތެއް ނުނިންމާތީ، ކްލަބުގެ އެތެރޭގައި ޝައްކުތައް ދަނީ އިތުރުވަމުންނެވެ.

އެހެންކަމުން، ބަޔާންގެ އޮފިޝަލުންނާ އެކު ބޭއްވުމަށް ހަމަޖެހިފައިވާ ބައްދަލުވުން ވެގެންދާނީ ވަރަށް މުހިންމު ބައްދަލުވުމަކަށެވެ. މި ބައްދަލުވުމުން އޮލީސޭ ބަޔާންގައި މަޑުކުރަން ބޭނުންވޭތޯ ނުވަތަ އެހެން ކްލަބަކަށް ބަދަލުވާން ތައްޔާރުވަމުންދާކަން ސާފުވެގެންދާނެއެވެ. މިވަގުތަށް ރެއާލް މެޑްރިޑް އޮތީ ފުރުސަތަކަށް ބަލަބަލައެވެ. އެހެންކަމުން ހުރިހާ ކަމެއް ވެސް ނިމިގެންދާނީ ވޯލްޑް ކަޕަށް ފަހުގައެވެ. އޮގަސްޓް މަސް ވެގެންދާނީ ބަޔާނަށް ޕްރެޝަރުތަކާ ކުރިމަތިލާންޖެހޭނެ ދިގު މަހަކަށެވެ.