ވޮލީ، އަންހެނުންގެ ތިންވަަނަ ރާއްޖެވޮލީއަށް

ގައުމީ ވޮލީ ލީގުގެ ދެވަނަ ޑިވިޝަންގެ އަންހެން ތިންވަނަ ރާއްޖެ ވޮލީ ކްލަބް ހޯދައިފިއެވެ.

ތިންވަނަ ހޮވުމަށް އިއްޔެ ހަވީރު ރޭ ސޯޝަލް ސެންޓަރގެ އިންޑޯ ހޯލްގައި ކުޅުނު މެޗް ރާއްޖެ ވޮލީ ކާމިޔާބުކުރީ ހެޕީ ސްޕޯޓްސް ކްލަބް ،3-2 ސެޓުން ބަލިކޮށްގެންނެވެ.

މެޗްގެ ފުރަތަމަ ސެޓް ކާމިޔާބުކުރީ ހެޕީ ސްޕޯޓްސް ކްލަބުނެނެވެ. ސެޓް ނިމުނީ 25-13އިންނެވެ. ނަމަވެސް ރާއްޖެވޮލީއިން ވަނީ 25-21އިން ސެޓް ގެންގޮސްފައެވެ. ކުޅުން ރަނގަޅުކޮށް ހެޕީ ސްޕޯޓްސްއިން ތިންވަނަ ސެޓް އަނެއްކާ ވެސް ގެންދިޔައެވެ. ސެޓް ނިމުނީ 25-14އިންނެވެ. މެޗް ނިންމާލަން ހެޕީ ސްޕޯޓްސްއަށް ލިބުނު ހަތަރުވަނަ ސެޓް އެ ޓީމްގެ ކުޅުން ދިޔައީ ދަށްކޮށް މިސްޓޭކްތައް ގިނަކޮށެވެ.

ނަތީޖާއެއްގެ ގޮތުން ފަސްވަނަ ސެޓަކަށް ދާން މަޖުބޫރުވީ ރާއްޖެވޮލީއިން ހަތަރުވަނަ ސެޓް ކާމިޔާބުކުރުމުންނެވެ. އެ ސެޓް ނިމުނީ 25-09އިންނެވެ. މިއާ އެކު މެޗްގެ ސްކޯރ ކަނޑައެޅި ފަސްވަނަ ސެޓް ރާއްޖެވޮލީއިން 15-13އިން ނިންމައިލިއެވެ.

މުބާރާތުގެ އަންހެން އަދި ފިރިހެން ފައިނަލް މިއަދު ހަވީރާއި މިރޭ ކުޅޭނެއެވެ.