ވާދަވެރި ނައިފަރުގެ މައްޗަށް 1-2ގެ ނަތީޖާއަކުން ކުރިހޯދައިގެން، އެފްއޭއެމް ފުޓްސަލް އެޓޯލް ޗެމްޕިއަންޝިޕްގެ ފާދިއްޕޮޅު (ޅ. އަތޮޅު)ގެ ޗެމްޕިއަންކަން އަމިއްލަ ރަށުގައި ކުޅެ ހިންނަވަރުން ކަށަވަރުކޮށްފިއެވެ.
ހިންނަވަރުގެ ފުޓްސަލް ދަނޑުގައި ކުޅުނު މި ފޯރިގަދަ ފައިނަލް މެޗުގައި ފެނިގެންދިޔަ ހުރިހާ ލަނޑެއް ވެސް ކާމިޔާބުކޮށްފައި ވަނީ މެޗުގެ ފުރަތަމަ ހާފުގެ ތެރޭގައެވެ. އަމިއްލަ ސަޕޯޓަރުންގެ ކުރިމަތީގައި ކުޅުމުގެ ފައިދާ ނަގައި، މި ކުރިމަތިލުމުގައި އެންމެ ފުރަތަމަ ލަނޑު ޖަހައި ލީޑު ނެގީ ވެސް މުބާރާތް ބޭއްވި ރަށް ކަމަށްވާ ހިންނަވަރުންނެވެ.
ކުޅުން ފެށިގެން ފަސްވަނަ މިނެޓުގެ ތެރޭގައި އަޙްމަދު އަޝްރަފް ވަނީ ހިންނަވަރަށް ލީޑު ނަގައިދީފައެވެ. ނަމަވެސް، އޭގެ ހަ މިނެޓު ފަހުން ނައިފަރު ޓީމުގެ އަޙްމަދު އަތުވާން ޖަހައިދިން ގޯލާ އެކު އެ ޓީމުން ނަތީޖާ ހަމަހަމަކުރިއެވެ. ހިންނަވަރަށް މުބާރާތުގެ ތަށި ޔަޤީންކޮށްދިން މުހިންމު ލަނޑު، ފުރަތަމަ ހާފު ނިމެން ގާތްގަނޑަކަށް އެއް މިނެޓަށް ވެފައިވަނިކޮށް ކާމިޔާބުކޮށްދިނީ ފުރަތަމަ ގޯލުވެސް ޖަހައިދިން އަޝްރަފެވެ. އޭނާގެ މި މޮޅު ކުޅުމާއެކު، މެޗުގެ އެންމެ މޮޅު ކުޅުންތެރިޔާގެ މަޤާ މުވެސް ލިބުނީ އަޝްރަފަށެވެ.
ފާހަގަކޮށްލެވޭ ގޮތުގައި، މިފަހަރުގެ އެފްއޭއެމް ފުޓްސަލް މުބާރާތުގެ ޅ. އަތޮޅު ބުރުގައި ވާދަކޮށްފައި ވަނީ ހަމައެކަނި ނައިފަރާއި ހިންނަވަރުންނެވެ. އެހެންކަމުން، އަތޮޅުގެ ޗެމްޕިއަން ޓީމު ކަނޑައެޅުމަށް ޓަކައި ކުޅެން ޖެހުނީ ސީދާ ފައިނަލް މެޗެކެވެ.
ކޮމެންޓުތައް (0)
އަދި ކޮމެންޓެއް ނުލިބޭ. ފުރަތަމަ ކޮމެންޓުކޮށްލާ.