މޮރޮކޯ ބަލިކޮށް ފްރާންސް ސެމީއަށް

ކުއާޓާ ފައިނަލްގައި މޮރޮކޯގެ މައްޗަށް 2-0ގެ ފުރިހަމަ މޮޅެއް ހޯދައި، 2026ގެ ފީފާ ވޯލްޑް ކަޕް ފައިނަލާ ގާތަށް ފްރާންސް ޖެހިލައިފިއެވެ.

މި މެޗްގައި ފްރާންސްގެ ފަރާތުން ވަނީ މޮޅު  އެޓޭކިންގ ގޭމެއް ފެނިފައެވެ.ޚާއްޞަކޮށް ފުރަތަމަ ހާފްގައި އެ ޓީމުން ވަނީ ނަތީޖާ ބަދަލުކޮށްލުމަށް ރަނުގެ ފުރުސަތުތަކެއް ފަހިކޮށްފައެވެ. އޭގެ ތެރެއިން ވެސް އެންމެ ފާހަގަކޮށްލެވެނީ ކެޕްޓަން އެމްބާޕޭ ނަގައިލި ޕެނަލްޓީއެވެ. ނަމަވެސް މެޗުގެ 60ވަނަ މިނެޓުގައި އޭނާ ފޮނުވާލި ހިތްގައިމު ހަމަލާއަކުން ފްރާންސުން މެޗުގެ ލީޑު ނެގިއެވެ. އޭގެ އެންމެ ހަ މިނެޓު ފަހުން، އުސްމާން ޑެމްބެލޭ ފޮނުވާލި ބާރު ހަމަލާއަކުން ލީޑު ފުޅާކޮށްދީ، ފްރާންސަށްމެޗުގެ ފުރިހަމަ ކޮންޓްރޯލް ހޯދައިދިނެވެ. 

މުޅި މުބާރާތުގައިވެސް ތަރުތީބު ޑިފެންސަކާއި ހިތްވަރު ގަދަ ކުޅުމަކާ އެކު ސަޕްރައިޒްތަކެއް ދިން މޮރޮކޯއިން ނަތީޖާ އަނބުރާލުމަށް މަސައްކަތް ކުރި ނަމަވެސް، ފްރާންސްގެ ހަމަޖެހޭ ޑިފެންސް ލައިންގެ ކުރިމަތީގައި ނުރައްކާތެރި ފުރުސަތުތަކެއް ތަނަވަސްކުރަން ވަނީ އުނދަގޫވެފައެވެ. މެޗުގެ ފަހު ވަގުތުކޮޅުގައި ފްރާންސުން ޔަގީންކަމާ އެކު ކުޅުން ބައްޓަންކޮށް، ސެމީ ފައިނަލުގެ ޖާގައެއް ކަށަވަރުކުރިއެވެ.

މި މޮޅާއެކު، ސްޕެއިން އާއި ބެލްޖިއަމް ބައްދަލުކުރާ ކުއާޓާ ފައިނަލް މެޗުން މޮޅުވާ ޓީމަކާ ދެކޮޅަށް ނުކުންނަން ފްރާންސް ތައްޔާރުވާއިރު، އަނެއްކާ ވެސް ވޯލްޑް ކަޕް ތަށި އުފުލާލުމުގެ އުންމީދު އެ ޓީމަށް ވަނީ އާވެފައެވެ. އެމްބާޕޭއާއި ޑެމްބެލޭ ފަދަ ތަރިން މޮޅު ކުޅުމެއް ދައްކަމުންދާއިރު، "ލެ ބްލޫސް"އިން ވަނީ އެޓީމަކީ މުބާރާތުގެ އެންމެ ފޭވަރިޓް އެއް ޓީމުކަން ސާބިތުކޮށްދީފައެވެ.

ފްރާންސް މިހާރު އޮތީ ވޯލްޑް ކަޕްގެ ފައިނަލަށް ދިއުމަށް އެންމެ މޮޅަކާ ގާތުގައެވެ. އަދި މޮރޮކޯ މުބާރާތުން މި ވަކިވީ ދުނިޔޭގެ ފެންވަރުގައި އެގައުމުގެ ފުޓްބޯޅައިގެ ކުރިއެރުން ދައްކުވައިދިން ހަނދާންތަކުން ފުރިގެންވާ މުބާރާތަކަށް ފަހުގައެވެ.