ކްލަބުގެ ރެކޯޑް ޓްރާންސްފަރއެއްގައި ގޮންސާލޯ ރާމޮސް، އޭސީ މިލާނަށް

 ޕީއެސްޖީގެ ޕޯޗުގަލްގެ ފޯވާޑް ގޮންސާލޯ ރާމޮސް އިޓަލީގެ އޭސީ މިލާނަށް ބަދަލުވެއްޖެއެވެ.

ބޯނަސް ނުހިމަނައި 75 މިލިއަން ޔޫރޯގެ އަގުހުރި މި ޓްރާންސްފާ އަކީ މިލާންގެ ތާރީޚުގައި ވެސް އެންމެ އަގު ބޮޑު ސޮއިކުރުމެވެ. އަދި މިއީ 2023 ވަނަ އަހަރު 90 މިލިއަން ޔޫރޯއަށް އަލް-ހިލާލަށް ނޭމާ ބަދަލުވި ޓްރާންސްފާއަށް ފަހު ޕީއެސްޖީން ވިއްކާލި ދެވަނައަށް އެންމެ އަގުބޮޑު ކުޅުންތެރިޔާއެވެ.

ޕެރިހުގައި ހޭދަކުރި ތިން އަހަރުގެ ތެރޭގައި، ގޮންސާލޯ ރާމޮސް ވަނީ 131 މެޗުން 45 ލަނޑު ޖަހާފައެވެ. ޚާއްޞަކޮށް ބެންޗުން ކުޅެން އަރައި ލަނޑު ޖަހާ "ސްޕަރ ސަބެއް"ގެ ގޮތުގައި އޭނާ ފާހަގަކޮށްލެވުނެވެ.

އޭނާ ޕީއެސްޖީ ދޫކޮށް ދަނީ ތިން ލީގު 1 ގެ ތަށި، ދެ ޗެމްޕިއަންސް ލީގު ތަށި، ދެ ފްރެންޗް ކަޕް އަދި އެއް ޔޫއެފާ ސުޕަ ކަޕް ހޯދުމަށްފަހުއެވެ.