އާސެނަލްއިން ރޮޖާސްއާ އެކު އެއްބަސްވުމަކަށް އާދެވިއްޖެ

އާސެނަލްއިން މޯގަން ރޮޖާސްއާ އެކު އެއްބަސްވުމަކަށް އާދެވިއްޖެކަމަށް ރިޕޯޓްތައް ބުނެފިއެވެ.

އާސެނަލްއިން މި ހޫނު މޫސުމުގެ އެންމެ ބޮޑު އަމާޒަކަށް ހަދާފައި ވަނީ 23 އަހަރުގެ މޯގަން ރޮޖާސްއެވެ. އަދި އޭނާއާ އެކު 2031ވަނަ އަހަރާ ހަމައަށް އެއްބަސްވުންތަކަކަށް އައިސްފައިވީ ނަމަވެސް، ޔޫރޮޕާގެ ޗެމްޕިއަން އެސްޓަން ވިލާއިން ވަނީ އޭނާ ވިއްކާލަން ބޭނުންނުވާ ކަމަށް ބުނެފައެވެ. ވިލާގެ ނިންމުން ބަދަލުވާނީ ކުރިން އަންދާޒާކުރި އަގަށް ވުރެ މާ ބޮޑު، ފަހަރުގައި 120 މިލިއަން ޔޫރޯއަށް ވުރެ މަތީގެ ހުށަހެޅުމެއް ލިބިގެންނެވެ. މި ހާލަތުގެ ސަބަބުން އާސެނަލްއަށް ޖެހިފައިވަނީ އެ އަގު ދިނުމަށް ނިންމުން ނުވަތަ އެހެން ފޯވާޑަކު ހޯދުމުގެ މަސައްކަތް ކުރުމަށެވެ.

އާސެނަލްގެ ޓްރާންސްފަރ ޚަބަރުތަކަށް ބަލާލާއިރު އިންގްލެންޑްގެ 19 އަހަރުން ދަށުގެ ވިންގާ ޖެރެމީ މޮންގާ ހޯދުމަށް އެ ޓީމުން ވަނީ ލެސްޓާ ސިޓީއާ އެކު 11.6 މިލިއަން ޔޫރޯގެ އެއްބަސްވުމެއް ނިންމާފައެވެ. އަދި އޭނާ ވަނީ އަމިއްލަ އެއްބަސްވުންތަކަށް އެއްބަސް ވެސް ވެފައެވެ. މުސްތަގުބަލު އޮތް މޮޅު ކުޅުންތެރިއެއްގެ ގޮތުގައި ބެލެވޭ 16 އަހަރުގެ މި ކުޅުންތެރިޔާ ހޯދުމަށް ޕްރިމިއާ ލީގުގެ ގިނަ ކްލަބްތަކަކުން މަސައްކަތް ކުރި ނަމަވެސް، އާސެނަލްއިން އެކަށީގެންވާ އަގެއް ދޭން އެއްބަސްވުމުން ޓްރައިބިއުނަލަކަށް ދާން ނުޖެހި ސަލާމަތްވިއެވެ. އޭނާ ސޮއިކުރުމަކީ ދިގު މުއްދަތުގެ ތަރައްގީއަށް އާސެނަލްއިން ކުރަމުންދާ މަސައްކަތް ދައްކުވައިދޭ ކަމެކެވެ.