ކުރީގެ ފުޓްބޯޅަ ކުޅުންތެރިޔާ ކޮބޮލީ ފްރެންޗް އޯޕަން ޓެނިހުގެ ސެމީއަށް

ރޯމާގެ ޒުވާން ޓީމްގެ ކުރީގެ ކުޅުންތެރިޔާ ފްލާވިއޯ ކޮބޮލީ ފްރެންޗް އޯޕަން ޓެނިސް މުބާރާތުގެ ސެމީއަށް ދަތުރުކޮށްފިއެވެ.

ފްރެންޗް އޯޕަންގެ ސެމީ ފައިނަލުގައި މިއަދު އިޓަލީގެ ދެ ކުޅުންތެރިން އެކަކު އަނެކަކާ ދެކޮޅަށް ކުޅޭނެއެވެ. 

ފުޓްބޯޅަ ކުޅުންތެރިއަކުން ޓެނިސް ކުޅުންތެރިއަކަށް ބަދަލުވި ފްލާވިއޯ ކޮބޮލީ ފުރަތަމަ ގްރޭންޑް ސުލޭމް ސެމީގައި މިއަދު ބައްދަލު ކުރަނީ އޭނާގެ ކުޑައިރުގެ އެކުވެރިޔާ މާޓިއޯ އަރްނާލްޑީއާއެވެ. އަދި މި މެޗުގެ ނަތީޖާ ކޮންމެ ގޮތަކަށް ނުކުތް ނަމަވެސް، އަންނަ ހަފުތާގައި ކޮބޮލީ ފުރަތަމަ ފަހަރަށް ދުނިޔޭގެ ގަދަ 10 ކުޅުންތެރިންގެ ތެރޭގައި ހިމެނޭނެއެވެ.

އުމުރުން 24 އަހަރުގެ ކޮބޮލީގެ ކުޅިވަރުގެ ހުނަރާ ބެހޭ ގޮތުން ގިނަ ވާހަކަތަކެއް ދެއްކެން އެބައޮތެވެ. ސަބަބަކީ އޭނާގެ ހަޔާތުގެ ކުރީކޮޅު ޓެނިސް ރެކެޓެއްގައި އަތް ވެސް ނުލާ ހިސާބަށް ދިޔުމެވެ. މިހާރު ދުނިޔޭގެ ނަންބަރު 14ގައި އޮތް ކޮބޮލީއަކީ ހުނަރުވެރި ފުޓްބޯޅަ ކުޅުންތެރިއެކެވެ. އަދި އޭނާ ޓެނިހަށް ފުރިހަމައަށް ސަމާލުކަން ދޭން ނިންމުމާ ހަމައަށް އުޅުނީ ރޯމާގެ ޒުވާން ކްލަބުގައެވެ. މި ހަފުތާގެ ކުރީކޮޅު ޕެރިސް ސެއިންޓް-ޖާމަންގެ ކުޅުންތެރިން ޗެމްޕިއަންސް ލީގު ތަށި ޓެނިސް ކޯޓަށް ގެނައިއިރު، އެ ކުޅުންތެރިންނާ އެކު ބައިވެރިވުމަށް އޭނާއަށް ދައުވަތު ދެވުނެވެ.