އިންގްލެންޑަށް ކާމިޔާބީ ހޯދައިދީގެން ކޭންގެ އަމާޒު ބެލަންޑިއޯއަށް

މި ހޫނު މޫސުމުގައި އިންގްލެންޑުން ވޯލްޑް ކަޕް ކާމިޔާބުކޮށްފި ނަމަ ބެލޮންޑިއޯ ހޯދުމުގެ އެންމެ ފުރުސަތު ބޮޑު ކުޅުންތެރިޔަކަށް އޭނާ ވާނެތޯ އެހުމުން ހެރީ ކޭން ބުނެފައި ވެއެވެ.

 "އަހަރެން ބުނާނީ ޔަގީނުން ވެސް އަހަރެން އެ ހިސާބުގައި ހުންނާނެއޭ. އަހަރެން ހޭދަކުރި ސީޒަނަށް ބަލާއިރު، ތިން ތަށި ކާމިޔާބުކުރުމާއި، އަހަރެން ހޯދާފައިވާ އަދަދުތަކާ އެކު، އަހަރެން އެ ވާހަކައިގެ ތެރޭގައި ހިމެނޭނެ ކަމަށް ގަބޫލުކުރަން."

ހެރީ ކޭން އުންމީދު ކުރަނީ އިންގްލެންޑަށް ވޯލްޑް ކަޕްގެ ކާމިޔާބީ ހޯދައިދީގެން، ބެލޮންޑިއޯ އެވޯޑަށް ވާދަކުރާ އެންމެ ކުރީގައި އުޅޭ ކުޅުންތެރިޔާއަށް އޭނާ ވުމަށެވެ. އިންގްލެންޑްގެ ކެޕްޓަން ވަނީ ބަޔާން މިއުނިކާ އެކު އަނެއްކާ ވެސް ފާހަގަކޮށްލެވޭ ފަދަ މޮޅު ސީޒަނެއް ހޭދަކޮށްފައެވެ. އޭނާ ވަނީ ހުރިހާ މުބާރާތެއްގައި 61 ލަނޑު ޖަހައިފައެވެ. މީގެ ތެރޭގައި ޑީއެފްބީ-ޕޯކަލް ފައިނަލްގައި ހެދި ހެޓްރިކް ހިމެނޭއިރު، ވިންސެންޓް ކޮމްޕެނީ މިޔުނިކުން ވަނީ ޑޮމެސްޓިކް ޑަބަލްއެއް ފުރިހަމަކޮށްފައެވެ.

އިންގްލެންޑަށް ވޯލްޑް ކަޕް ކާމިޔާބުކުރުމުގެ އުންމީދުތަކުގައި ކޭންގެ ފޯމު ވަރަށް މުހިންމުވާނެއެވެ. ތޯމަސް ޓުޗެލްގެ 26 ކުޅުންތެރިންގެ ސްކޮޑުގެ ބޮޑު ބައެއް މިހާރު ވަނީ މުބާރާތުގެ ކުރިން ބާއްވާ ވޯމް-އަޕް ކޭމްޕަށް ފްލޮރިޑާއަށް ގޮސްފައެވެ.

އުމުރުން 32 އަހަރުގެ ކުޅުންތެރިޔާއަށް ކުރިމަތީގައި އޮތް ބޮޑު އުންމީދުތަކުގެ ބަރުދަން އެނގޭއިރު، އޭނާގެ އަމާޒަކީ އަނެއްކާ ވެސް އެންމެ މަތީ ފެންވަރުގައި ކުޅުން ދެއްކުމެވެ.

އިންގްލެންޑުން ވޯލްޑް ކަޕް ކާމިޔާބުކޮށްފި ނަމަ ބެލޮންޑިއޯ ހޯދުމުގެ އެންމެ ފުރުސަތު ބޮޑު ކުޅުންތެރިޔަކަށް އޭނާ ވާނެތޯ އެހުމުން އޭނާ ބުނެފައި ވެއެވެ.

"މާޒީގައި ބެލޮންޑޯ ހޯދާފައިވާ ބައެއް ކުޅުންތެރިންނަށް ބަލާއިރު، ޔަގީނުން ވެސް އެކަން ބިނާވަނީ ބޮޑެތި މެޗުތަކާއި ބޮޑެތި މުބާރާތްތަކުގެ މައްޗަށް. އަދި މިއަހަރު އަހަރެން ހޯދި ކާމިޔާބީތަކުގެ އިތުރަށް އެކަން އިތުރުވުމުން، އަހަރެން އެ ހިސާބުގައި ހުންނާނެ ކަމަށް ގަބޫލުކުރަން."

އިންގްލެންޑު ، 2018ގެ ސެމީ ފައިނަލާއި، އޭގެ ހަތަރު އަހަރު ފަހުން ކުއާޓާ ފައިނަލް އަދި ޔޫރަޕިއަން ޗެމްޕިއަންޝިޕްގެ ފަހު ދެ ފައިނަލަށް ދިޔަ ނަމަވެސް، 1966ގެ ވޯލްޑް ކަޕަށް ފަހު އިތުރު ބޮޑު ތައްޓެއް ހޯދުމަށް އެ ގައުމުން އަދިވެސް އަންނަނީ އިންތިޒާރު ކުރަމުންނެވެ.

ވޯލްޑް ކަޕާއި ޔޫރޯގެ ނޮކްއައުޓް ބުރުތަކުގައި ކޭންއަށް ވުރެ ގިނަ ލަނޑު ޖެހި އެހެން ޔޫރަޕްގެ ކުޅުންތެރިއަކު ނެތެވެ. ހެރީ ކޭން ބުނެފައި ވަނީ އޭނާއަށް އެންމެ ޚާއްޞަ ވަނީ ވޯލްޑްކަޕްގައި އެންމެ ގިނަ ގޯލް ޖެހި ކްލޯސާގެ 16 ގޯލްގެ ރެކޯޑްކަމަށާއި އެކަމަށް ވެސް މަސައްކަތް ކުރާނެ ކަމަށެވެ.