އެސްޓަން ވިލާގެ މައްޗަށް ފޮރެސްޓުން ކުރިހޯދައިފި

އިނގިރޭސި ޕްރިމިއަރ ލީގުގައި މިރޭ ވިލާ ޕާކުގައި ކުޅުނު ފޯރިގަދަ މެޗުގެ ފަހު ވަގުތުކޮޅުގެ ތެރޭގައި އީގޯ ޖެސޫސް ކާމިޔާބުކޮށްދިން ލަނޑާ އެކު، 2-1ގެ ނަތީޖާއަކުން އެސްޓަން ވިލާ ބަލިކޮށް ނޮޓިންހަމް ފޮރެސްޓުން މުހިންމު މޮޅެއް ހޯދައިފިއެވެ.

އެސްޓަން ވިލާގެ އަމިއްލަ ދަނޑުގައި ކުޅުނު މި މެޗުގައި ފުރަތަމަ ލީޑު ނެގީ ފޮރެސްޓުންނެވެ. މި ލަނޑު އެޓީމަށް ކާމިޔާބުކޮށްދިނީ ލިއަމް ޑެލަޕްއެވެ. ނަމަވެސް، އެސްޓަން ވިލާއިން ވަނީ އެލިސަންގެ ލަނޑުން ނަތީޖާ ހަމަހަމަކޮށް، މި ސީޒަނުގައި އެޓީމުގެ ފުރަތަމަ ލީގު ގޯލު ކާމިޔާބުކޮށްފައެވެ. މެޗު އެއްވަރުވާން ދަނިކޮށް، ފޮރެސްޓަށް ތިން ޕޮއިންޓު ކަށަވަރުކޮށްދިނީ މެޗުގެ 88ވަނަ މިނެޓުގައި ޖެސޫސް ފޮނުވާލި ހަމަލާއިންނެވެ. 

ޕްރިމިއަރ ލީގުގައި މިރޭ ކުޅުނު އެހެން މެޗުތަކަށް ބަލާއިރު، ދިހަ ކުޅުންތެރިންނާ އެކު މެޗު ފުރިހަމަކުރި ކްރިސްޓަލް ޕެލަސްގެ މައްޗަށް އިޕްސްވިޗް ޓައުން އިން ވަނީ 3-2އިން ކުރިހޯދާފައެވެ. ހަމައެއާއެކު، ބޯންމަތު އަދި ބްރެންޓްފަޑް ވާދަކުރި މެޗު ނިމިގެންދިޔައީ ދެ ޓީމުންކުރެ ކޮންމެ ޓީމަކަށް ދެ ލަނޑު ލިބި، 2-2ގެ ނަތީޖާއަކުން އެއްވަރުވެގެންނެވެ.