ޕެނަމާއަށް ލަނޑެއް ނުޖެހުނު، މެކްސިކޯއާއި ސްޕޭންގެ ޑިފެންސް ފޫއަޅުވައި ނުލެވުނު

މިއީ ނިމިގެންދިޔަ 2026 ވަނަ އަހަރުގެ ފީފާ ވޯލްޑް ކަޕްގެ ގްރޫޕް ސްޓޭޖުގެ މުހިންމު ތަފާސްހިސާބުތަކާއި ރެކޯޑްތަކުގެ ހުލާސާއެކެވެ. 

48 ޓީމަށް ފުޅާކޮށްގެން ބޭއްވި 2026 ވަނަ އަހަރުގެ ފީފާ ވޯލްޑް ކަޕްގެ ގްރޫޕް ސްޓޭޖު މިހާރު ވަނީ ނިމިފައެވެ. ގަދަ 32 ގެ ބުރު ފެށުމުގެ ކުރިން، މި ބުރުން ވަނީ ފޯރިގަދަ ކުރިމަތިލުންތަކާއި، ތާރީހީ ކާމިޔާބީތަކުގެ އިތުރުން ބައެއް ހިތްދަތި ރެކޯޑްތައް ވެސް ފެނިގެން ގޮސްފައެވެ.

އެއްވެސް ލަނޑެއް ނުޖެހި މުބާރާތް ނިންމާލި ހަމައެކަނި ޓީމަކަށް ޕެނަމާ

މި ފަހަރުގެ މުބާރާތުގައި އެޓޭކިންގް ގޮތުން އެންމެ އުނދަގޫ ތަޖުރިބާއެއް ކުރަން ޖެހުނީ ޕެނަމާއަށެވެ. އެޓީމު ވެގެން ގޮސްފައި ވަނީ މުބާރާތުގައި ވާދަކުރި 48 ޓީމުގެ ތެރެއިން ގްރޫޕް ސްޓޭޖުގައި އެއްވެސް ލަނޑެއް ނުޖެހި މުބާރާތުން ކެޓި ހަމައެކަނި ޓީމަށެވެ. މެދުތެރޭ އެމެރިކާގެ މި ގައުމު މުބާރާތުން ކެޓީ ކުޅުނު ތިން މެޗުން ވެސް ބަލިވެ، ހަތަރު ލަނޑު  ވަދެ، އެއްވެސް ލަނޑެއް ނުޖެހި، މުބާރާތުގެ އެންމެ ހިތްދަތި އެޓޭކިންގް ރެކޯޑާއެކުގައެވެ. 

އެއްވެސް މެޗަކުން މޮޅުނުވެ މުބާރާތް ނިންމާލި ޓީމުތައް

ގްރޫޕް ސްޓޭޖުގައި ކުޅުނު ތިން މެޗުން ވެސް ބަލިވެ، އެއްވެސް ޕޮއިންޓެއް ނުލިބި ހަ ޓީމަކުން މުބާރާތް ނިންމާލިއެވެ:

• ހެއިޓީ
• ޓިއުނީޝިއާ
• އިރާގު
• ޖޯޑަން
• އުޒްބެކިސްތާން
• ޕެނަމާ

މި ހުރިހާ ގައުމެއް ވެސް ޖެހިޖެހިގެން ތިން މެޗުން ބަލިވެ، މުބާރާތުގެ ފުރަތަމަ ބުރުން ވަނީ ކަޓާފައެވެ. 

ޑިފެންސްގެ ފުރިހަމަ ރެކޯޑްތައް

ގްރޫޕް ސްޓޭޖުގައި ބައިކޮޅަށް އެއްވެސް ލަނޑެއް ވަނަނުދީ ދެ ގައުމަކުން ބުރު ނިންމާލިއެވެ:

• މެކްސިކޯ (ޖެހި 6 ލަނޑު، ބައިކޮޅަށް 0 ލަނޑު)
• ސްޕެއިން (ޖެހި 5 ލަނޑު، ބައިކޮޅަށް 0 ލަނޑު)

މި ދެ ޓީމު ވެސް ނޮކްއައުޓް ބުރަށް ދަތުރުކުރީ ގްރޫޕްގެ އެއްވަނަ ޓީމުގެ ގޮތުގައެވެ. މިއީ ކުރިއަށް އޮތް ބުރުތަކަށް ދާއިރު އެޓީމުތަކުގެ ޑިފެންސްގެ ވަރުގަދަކަން ހާމަކޮށްދޭ ކަމެކެވެ. 

ސައްތައިގެ ރެކޯޑެއް ހޯދި ޓީމުތައް

ގްރޫޕް ސްޓޭޖުގައި ކުޅުނު ތިން މެޗުން ވެސް ތިން ގައުމަކުން ވަނީ މޮޅުވެފައެވެ:

• މެކްސިކޯ (9 ޕޮއިންޓް)
• ފްރާންސް (9 ޕޮއިންޓް)
• އާޖެންޓީނާ (9 ޕޮއިންޓް)

މި ތިން ގައުމު ވެސް ގަދަ 32 ގެ ބުރާ ކުރިމަތިލަނީ މުބާރާތް ކާމިޔާބުކުރާނެ ކަމަށް އެންމެ ބޮޑަށް ބެލެވޭ ޓީމުތަކުގެ ގޮތުގައެވެ

ތިން މެޗުން ވެސް އެއްވަރުވި ޓީމުތައް

އެއްވެސް މެޗަކުން މޮޅުނުވި ނަމަވެސް، ބަލިނުވެ ދެ ޓީމަކުން ގްރޫޕް ސްޓޭޖު ނިންމާލިއެވެ:

• އީރާން
• ކޭޕް ވާޑް

ކޭޕް ވާޑް ވަނީ ގްރޫޕްގެ ތިން މެޗުން އެއްވަރުވެ، ނޮކްއައުޓް ބުރަށް ދަތުރުކޮށް ތާރީހީ ކާމިޔާބީއެއް ހޯދާފައެވެ. މިއީ މި މުބާރާތުގައި ފެނުނު އެންމެ ބޮޑު ހައިރާންކަމެކެވެ. ނަމަވެސް، އީރާން ބަލިނުވެ ސަލާމަތްވި ނަމަވެސް، ހަނި ގޮތަކަށް ވަނީ މުބާރާތުން ކަޓާފައެވެ.