ކްލޯސާގެ ރެކޯޑް މުގުރައިލި މެޗްގައި މެސީއަށް އިތުރު ނައްސި ރެކޯޑެއް

އޮސްޓްރިއާ ދެކޮޅަށް ޖެހި ދެ ގޯލާ އެކު ވޯލްޑްކަޕްގައި އެންމެ ގިނަ ގޯލް ޖެހުމުގެ ރެކޯޑް މުގުރައިލި ލަޔަނަލް މެސީއަށް ، މިރޭގެ މެޗުގައި ނައްސި ރެކޯޑެއް ވެސް ގާއިމްކޮށްފިއެވެ.

މިރޭގެ މެޗުގައި، އާޖެންޓީނާގެ ކެޕްޓަން ވަނީ 18 ލަނޑާއެ ކު ފީފާ ވޯލްޑް ކަޕްގެ ތާރީޚުގައި އެންމެ ގިނަ ލަނޑު ޖެހި ކުޅުންތެރިޔާގެ ޝަރަފު ހޯދައިފައެވެ. އޭނާ މި ރެކޯޑް ހޯދީ ކުރިން 16 ލަނޑާ އެކު މި ރެކޯޑް އޮތް ޖަރުމަނުގެ މިރޮސްލާވް ކްލޯޒާ ފަހަތަށް ޖައްސާލުމަށް ފަހުއެވެ. 17ވަނަ ލަނޑުގެ ފެށުމާއި ނިންމުމުގައި ވެސް ހިއްސާވީ ލިއޮނަލް މެސީއެވެ.

އިއްތިފާގުން، ހަމަ މި މެޗުގައި މެސީ ވަނީ ވޯލްޑް ކަޕްގެ އެހެން ރެކޯޑެއް ވެސް ހަދާފައެވެ. ނަމަވެސް ނައްސި ރެކޯޑެކެވެ. ޕެނަލްޓީ ޝޫޓްއައުޓްތައް ނުހިމަނައި، އޭނާ އަކީ މިހާރު މުބާރާތުގެ ތާރީޚުގައި އެންމެ ގިނަ ޕެނަލްޓީ ވައްދާލި (7) އަދި އެންމެ ގިނަ ޕެނަލްޓީ ނާކާމިޔާބުވި (3) ކުޅުންތެރިޔާއެވެ. އޭނާ ފޮނުވާލި ބަލިކަށި ޕެނަލްޓީ ކީޕަރު ވަނީ ދިފާއުކޮށްފައެވެ.

ނާކާމިޔާބުވި ޕެނަލްޓީތައް:

އައިސްލޭންޑާ ދެކޮޅަށް (2018)،

ޕޮލެންޑާ ދެކޮޅަށް (2022)،

އޮސްޓްރިއާއާ ދެކޮޅަށް (2026)

ކާމިޔާބުވި ޕެނަލްޓީތައް:

ސައުދީ އަރަބިއްޔާއާ ދެކޮޅަށް (2022)، 

 ނެދަލޭންޑްސްއާ ދެކޮޅަށް (2022)،

ކްރޮއޭޝިއާއާ ދެކޮޅަށް (2022)،

ފްރާންސާ ދެކޮޅަށް (2022)، 

ލިއޮނަލް މެސީގެ ވޯލްޑް ކަޕް ދަތުރަކީ ރެކޯޑްތަކާއި، ކާމިޔާބީތަކާއި، އަދި އެންމެ މޮޅު ކުޅުންތެރިޔާއަށް ވެސް ގޯސްތަކެއް ހެދިދާނެކަން ހަނދާންކޮށްދޭ ހާދިސާތަކުން ފުރިގެންވާ ދަތުރެކެވެ.