ޓްރާންސްފާ ޚަބަރު: އިބްރާހިމާ ކޮނާޓޭ ހިލޭ ޓްރާންސްފާއެއްގައި އެންފީލްޑް ދޫކޮށްލަނީ

އެންފީލްޑްގައި ފަސް އަހަރު ހޭދަކުރުމަށްފަހު އިބްރާހިމާ ކޮނާޓޭ ލިވަޕޫލް ދޫކޮށްލަން ތައްޔާރުވެއްޖެއެވެ.

އުމުރުން 27 އަހަރުގެ ކުޅުންތެރިޔާ ކޮންޓްރެކްޓް އާކުރުމާ ބެހޭގޮތުން ކްލަބާއެކު މަޝްވަރާ ކުރަމުންދިޔަ ނަމަވެސް، އާ އެއްބަސްވުމެއްގައި ސޮއިކުރުމާ މެދު އެއްބަސްވުމަކަށް ނާދެވުމުން، މިހާރު އޭނާ ތައްޔާރުވަމުންދަނީ ހިލޭ ޓްރާންސްފާއެއްގައި ކްލަބް ދޫކޮށް ދިއުމަށެވެ. މި އަހަރު ފެށުނީއްސުރެ ކޮނާޓޭ ޔޫރަޕްގެ ގިނަ ކްލަބްތަކަކާ ގުޅުވައިގެން ވާހަކަ ދެކެވެމުންދިޔަ ނަމަވެސް، އޭނާ ދެން ބަދަލުވާނެ ކްލަބެއް އަދި ނިންމާފައެއް ނުވެއެވެ.

ފްރާންސްގެ އިންޓަނޭޝަނަލް ކުޅުންތެރިޔާ އާރްބީ ލައިޕްޒިގުން ބަދަލުވި ފަހުން 183 މެޗު ކުޅެދީފައިވާއިރު، އޭނާ ވަނީ އެއް ޕްރިމިއާ ލީގު ތައްޓާއި، އެއް އެފްއޭ ކަޕް އަދި ދެ ކަރަބާއޯ ކަޕް ކާމިޔާބުކޮށްފައެވެ.

ލިވަޕޫލްގެ ޓްރާންސްފާ ޕްލޭންތައް - މިޑްފީލްޑާއި ޑިފެންސް ވަރުގަދަކުރުމަށް ބަލާއިރު،ރަޔަން ގްރާވެންބެކްގެ އިތުރުން އެހެން އޮޕްޝަނެއް ބޭނުންވާތީ ނަންބަރު 6 ގެ މަގާމަކީ މުހިންމު މަގާމެކެވެ. އަދި އެއީ ލިވަޕޫލުން މަދުވެގެން ހައްލެއް ހޯދަން މަސައްކަތް ކުރާނެ ދާއިރާއެއް ކަމަށް ބެލެވެއެވެ. ހަނދާންކޮށްލަންޖެހޭ ކަމަކީ، އުމުރުން 21 އަހަރު ފުރެން ކުޑަތަންވެފައިވަނިކޮށް، ޖެރެމީ ޖެކޭ މި ޓްރާންސްފާ ބާޒާރުގައި ރެންސްއިން 60 މިލިއަން ޕައުންޑްގެ އެއްބަސްވުމެއްގެ ދަށުން ލިވަޕޫލްގެ ކުޅުންތެރިއަކަށް ވާނެއެވެ. އޭނާއަކީ ލިވަޕޫލާ ގުޅޭ ދެވަނައަށް އެންމެ އަގުބޮޑު ޑިފެންޑަރެވެ. ނަމަވެސް ޖެކޭއަށް ވަނީ ކޮނޑަށް ލިބުނު އަނިޔާއެއްގެ ސަބަބުން ސީޒަނުގެ ފަހުބައި ގެއްލިފައެވެ. މީގެ އިތުރުން އޭސީއެލް އަނިޔާއިން ރަނގަޅުވެގެން އެނބުރި އަންނަން އޮތް ޖިއޮވާނީ ލިއޯނީ ވެސް ލިވަޕޫލްގައި އެބަހުއްޓެވެ. ވާޖިލް ވެން ޑައިކް އަދިވެސް ހުރީ ލިވަޕޫލްގައެވެ. އަދި ކޮންޓްރެކްޓްގައި ބާކީ އެންމެ އަހަރެއް އޮތް ޖޯ ގޯމޭޒް ވެސް އެބަހުއްޓެވެ. އެހެންކަމުން ސެންޓަރ ބެކްގެ މަގާމަށް ބަދަލުތަކެއް އައުމަކީ އެކަށީގެންވާ ކަމެކެވެ.